A letter from Apr 12, 2023

Dear FutureMe, هاي وسام أنا النسخة القديمة منك انا هي نتي قبل ست أشهر هذي الرسالة بعثتهالك فالماضي باه نقولك هل حققتي حلمك انك تصيري طبيبة رغم اني علابالي انك تقدري توصلي لحلمك ان شاء الله اسك هذاك الغامل تاع عين باء دال واو بعثلك واش درتي نسيتيه ولا مزال ؟ نفسيتك كيفاش راهي ؟ حبيت نقولك اذا ماكان حتى واحد معاك انا نكون معاك ماتستناي حتى واحد يوقف معاك وقفي نتي على رجليك عمرك ماتستسلمي ولا تفقدي الامل عمرك ما تطيحي بكرامتك على جال بنادم وسام فهاذ الوقت لي توصلك فيه الرسالة نتمنا انك تكوني قاعدة فكلية الطب فالساحة حبيت نقولك انك لازم تتعلمي لغة اخرى خليها تكون فرنسية واسبانية ان شاء الله بعد هاذ المدة تكون درتي لاطاي لي تجرجري بيها لعديان وسام نسحق نلقا فيك بعد هاذ ست أشهر أكثر من سبعين كيلو نسحقك تديري ترمة وبزول نسحقك ماتزيديش تهدري مع الولاد غير لي يبغيه قلبك صح وتشوفيه شخص مناسب مام وماتدخليش صحابات مسمومات لحياتك خرجي أي واحد تحسيه مش نورمال وسام تعلمي حرفة أيضا لازم منا لذاك الوقت لي توصلك فيك تكوني حددتي الحرفة لي تحبيهااضافة على الطب نحبك بزاف وانا سأبقى معك نيابة عن جميع لي مايحبوكش وجميع لي خيبولك أملك أنتي جميلة بطبيعتك انتي قوية انتي أسطورة ماتفشليش اقراي اجتهدي وثان حاجة مهمة لازم تكوني درتي البيرمي ايواه واهم حاجة حافظي على صلاتك على أذكارك على صوم تطوع وسام خلي عقليتك جميلة وخلي علاقتك بالناس نظيفة لاتجرحي غيرك بكلام قاسي كوني على طبيعتك لا تتصنعي وماتديريش تصرفات غير باه تعجبني الناس اتمنى اني نلقاك سعيدة ومرتاحة ومابيك والو وأخيرا أجعلي نسختك القديمة فخورة لما وصلتي اليه يا ايتها النسخة الجديدة أنا أحبك 🌸🦋مني إلَيْ🦋🌸